Gaming News Suicide Squad game an siam dawn

Batman: Arkham series game siamtu Rocksteady Studios chuan DC Comics supervillain team Suicide Squad game siam turin hma an la mek tih an tarlang. Hemi chungchang hi DC FanDome-ah chiang zawkin an la tarlang dawn a, August 22 hian an puang chiang dawn niawm tak a ni. 

An tarlan tawh chinah erawh Suicide Squad game thar turah hian Superman a inrawlh dawn a nih hmel a, superman lua  'Suicide Squad' tih inziak chu an tarlang a, DC Comics supervillain-te hian Man of Steel hi an bitum ber tur pawh a ni mai thei! DC FanDome-ah chiang zawkin kan la hriat a rinawm. Kar tawp liam taah khan Rocksteady Studios hian an social media account kaltlangin Suicide Squad game siam tura hma an lak ṭan tawh chungchang hi an tarlang a, Superman lua 'Suicide Squad' tih inziak caption-ah hian  "Target locked - #DCFanDome - August 22. #suicidesquadgame" tih an ziak a, hei hi Superman kaihhnawih game chungchang Rocksteady Studios hnen aṭanga kan vawi khat hriatna erawh a ni lo.

Report hmasa lamah kha chuan Kryptonian hian a ma pual game a nei dawn niawm takin tarlan a lo ni tawh a, mahse chu chu kum hnih liam ta kha a ni tawh. Tunah hian eng ang takin nge an kalpui dawn tih erawh hriat a chakawm tawh hle. Batman: Arkham Origins post-credit-ah khan Suicide Squad hming hi chu lamrikin a lo awm zuai tawh a, mahse tlangzarh hun tur emaw, eng platform-ah nge an tlangzarh dawn emaw pawh an la tarlang lo a ni.