J&K-ah 4G internet Service pek leh tum

Sorkar laipui chuan August 15 aṭangin Jammu and Kash­mir-a district pahnihah high-speed 4G mobile internet service chu enchhinna neih ni pah fawmin hman theih a nih dawn thu nimin khan Supreme Court a hriattir.

International border leh Line of Control lamah chuan 4G mobile internet service hman khap a la ni dawn. Jammu-a district pakhatah leh Kashmir valley-a district pakhatah hman phal theih a ni dawn a, heng hmun hi firfiakte chetna thlen tlemna hmun a nih thu sorkar laipui chuan a tarlang.

District pahnihah hian 4G mobile internet service hi enchhinna neih a ni phawt dawn a,  thla hnih hnuah sorkar chuan ennawn leh a tum. Nikum August 5-a sorkar laipuiin J&K special status pek, Article 370  a tihtawp hnu khan, J&K leh Ladakh-ah hian high speed internet service chu tihtawp zui a ni.