Racism in Oscars? Mihâng lar dangten Oscar an sawisel zel

Will Smith nupuiin Oscars nominee zinga mih‚ng an awm ve loh thu a sawi chhuah leh, a lungawi loh thu a sawi hma aṭang tawh khan kumin Academy Awards sem tura nomination list-a mih‚ng awm ve lo chuan sawisel a hlawh chhunzawm zel.

Jida Pinkett Smith chuan Oscar sem huna an nupaa an kal ve loh tur thu a sawi chhuak a, ani mai bakah rapper Snoop Dogg chuan a kal ve loh tur thu a sawi ve leh ta bawk. Snoop Dogg chuan Spike Lee leh Pinkett Smith te hnung a zui ve dawn tih a sawi a, Oscars-a a kal loh tur thu a sawi. Nominee zinga mih‚ng lang ve miah lo chu mak a ti hle niin a sawi bawk.

British actor, Idris Elba pawhin vun rawng chungchang hi British thliarkar lamah a pu lut a, hetah pawh hian sawi nasat a ni chho mek. Thawhṭanni khan Idris Elba hian British Parliament hnenah inpumkhatna ṭha zawk a awm a ngai tih sawiin, camera hmaah pawh, a hnungah pawh vun rawng inthliarna hi dah bo a ngai a ni a ti.

A sawiseltu langsar zingah mih‚ngho channa, Straight Outta Compton executive producer Will Packer a tel. Packer chuan Oscar hi a fair t‚wk lo niin a sawi.

"Academy Award nominee zawng zawngte ka lawmpui em em. An lanna pawh hi an phu hlein ka hria," tiin a fak te te a, actor, director leh producer, nominate awm ve tak tak, lang si lo an awm tih sawiin, chung zingah chuan Idris Elba, Michael B. Jordan leh Will Smith te hming a sawi tel.

Oscar chu mingote pual bik anga a lan thu tarlangin, mingo ni lo, he chawimawina dawng thei ‚wm tam tak, film ṭha leh chang thiam tak tak an tam a, chung mite chu telh an ni ve lo a ni a ti.