Robot vangin Ram changkangah hna a tlem dawn

Tunkara World Economic Forum inhmukhawm chuan khawvel ei leh bar leh hna chungchang an thlir a, chutah chuan robot leh a tlukpuite hnathawk atan khawvelin a hman nasat tial tial dan an thlirin, kum 2020 khi chuan hna tam tak an thawk tawh ang a, a bikin hmeichhiaten an tuar zual dawn niin an sawi.

Ram changkang ram 15-a an hmalam tur an thlirsaknaah, heng ram 15-a robot an hman nasat tial tial avang hian kum nga lo awm leh turah khi chuan robot avangin hna maktaduai 5.1 zet chu a bo phah ang a, a tuar nasa ber tur chu hmeichhiate an ni. Hmeichhe hna thawhna hmun langsar ber ber chu sales, office leh administrative role a ni a, heng hmunah te hian tun aṭanga rei vak loah chuan robot an hmang nasa hle tawh dawn a ni.

Hmeichhia bakah mipa eng emaw zat pawhin an tuar dawn a, manufacturing leh production lamah robot te hi hman nasat tial tial an nih bawk avangin mi eng emaw zat chuan hna an ch‚n phah ang a, chu bakah hnathawk tura mihring mamawhna a tlahniam tial tial dawn a ni. Robot hmang miah loin, tuna a kal ngai ang hian kal ta se, United Nations-in a chhut dan chuan kum 2020 khi chuan hna nei lo maktaduai 11-in an pun phah dawn hrim hrim a, hei baka hna ch‚n belh awm bawk tur hi a vanduaithlak hle niin, World Economic Forum-ah hian sawi chhuah a ni.