Karbonn phone

Eng emaw deuh lai khan Karbonn phone a lar ṭhin a, mahse an reh deuh hlek a, an reh rei dawn lo; Karbonn chuan smartphone thar an rawn tichhuak ve leh a, a man ngaihtuahin a ṭha hle.

Karbonn phone thar hi Quattro L50 HD a ni a, Rs. 7,990 man chauh a ni. Dual SIM a ni a, Android Lollipop a hmang. A hmai hi inchi 5-a hlai a ni a, a pixel hi a pangngai viau a, 720x1280 niin, IPS Display a ni. A clocked speed hi 1.3 GHz a ni a, 2GB RAM a nei.

Camera lam pawh a chhe lem lo. A hnung lam camera hi 13MP a ni a, a aperture pawh f/2.0 a ni a, LED flash a awm ngha. A hma lam camera hi 5MP a ni. A inbuilt storage hi 16GB niin, micro SD 32 GB-a lian thleng a hman theih. A battery hi 2600 mAh a ni a, connectivity lamah 4G a support.