Madonna a tlai over

Louisville-a concert a neihah Madonna stage-a a rawn inlan dan a phuai luai lutuk a, zu a rui emaw an ti a, an sawisel luai luai; hetah hian hla thute a theihnghilh. Hemi thu an sawi zawh hma hmain Thawhlehni zana Nashville-a concert a neih tur chu darkar thum ngawtin a tlai leh pek a, sawiselna a namen tawh loh hle. Zan tir aṭanga stage-a chuangkai nghal tura beisei kha zan dar 10:31-ah stage a rawn lang a, a zai ṭan ve thei hram.