David Bowie chhehvel Kanye West-a album siam tum Mipuiin an duh lo

Aman a ngai pawimawh a, a hlut ve em em a, mahse mipuiin an duh lo! Kanye West hian David Bowie a uizia lantir nan a hlate saksak a, album-a siam a tum a, mahse mipuiin an duh lo a, petition an ziak hial!

Kanye West hian David Bowie hlate aman saksak a, album siam a tum niin mipuiin an hria a, a duh lotu an lo ṭhahnem ngang mai a, 38Degrees.org-ah 'Stop Kanye West Recording Covers of David Bowie's Music' tih thupui hnuaiah Kanye West an duh lohna hi an post hlawm a, petition an siam. Tun thleng mi 10,201 ten signature an pe tawh.

An duh loh chhan an sawiah chuan "David Bowie hi kum zabi 20 leh 21 chhunga zaithiam ropui leh pawimawh ber zinga mi a ni a, Kanye West hian a tiho zo vek dawnin kan hria a ni," an ti. Petition siam bul tumtu hi Peter Piranha a ni. Petitioner pakhat chuan, "Kum 47 chhung zet David Bowie-a fan ka lo ni tawh a, a music hi ka tan chuan a hlu a ni," tiin a ziak.