Android aṬangin Google-in a hlep hnem

Google hian Android aṭangin hlawkna a hmu hnem hle. A hma chuan Android
aṭanga Google-in a sum hmuh hi a tar chhuak ngai lo a, Oracle judge pakhatin a rawn phawrh chhuaksak a ni.

Google hian Android an lei aṭangin USD tluklehdingawn 31 zet a sum a thawk chhuak tawh a, heng zinga USD tld 22 hi a hlep a ni. Android hi kum 2003 khan California state-a Palo Alto-ah Andy Rubin, Rich Miner, Nick Sears leh Chris White tena an din a ni. Kum 2005 July thla khan Google chuan Android hi a lei chhawng a, hetih hunlai hian USD mtd 50 chauhin a lei.

Google hian Android hmangin Apple a rawn nih rual thei tawh a ni ber. Apple hian an smartphone opera≠ting system aṭanga an lakluh tawh zawng zawng hi USD tld 32.2 a ni.

Oracle hian Google hi an Android avangin court-ah an khing mek a, heta an khinna kal vel aṭang hian Oracle-in lawyer an rawih chuan Google sum hmuh hi a rawn tarlang a ni. Oracle hi Java siamtu a ni a, kum 2010 khan court-ah Google khinna theh≠lutin, an Java siam chu tlema tidanglam hretin Google hian Android-ah an lo hmang ve a ni, an ti.