Leonardo-a'n sum a thawh hnem

Actor Leonardo Dicaprio chuan tunhnai khan environment ṭha kan neih theih nana hma latu pawl pakhat hnenah USD mtd 15 zet a thawh.

Thawhlehni khan Switzerland-a Davos-ah World Economic Forum chuan hun an hmang a, hetah hian Leonardo hnenah hian a hnathawh ṭhat avangin Crystal Award an hlan nghe nghe. He mi ṭumah hian Leonardo chuan pawisa a thawh thu hi a puang chhuak a ni.

Leonardo pawisa thawhna hi khawvel tilum zualtu lungalhthei, lei hriak leh gas te mihringten a tel loa kan awm theih nana hma latu pawl tan a ni. Oil, natural gas leh coal te alh khu hi khawvelin a buaipui nasat a ni a, heng hi mihringin a mamawh loh a, a thlakna tur dang ṭha a awm theih nana hma an lak nan pawisa hi a thawh a ni. Leonardo hian nikum khan environment lam hawi atan USD mtd 15 bawk a lo thawh tawh a ni.