Music Streaming service zingah Spotify-in subscriber ngah ber

Khawvel pumah internet kan hman nasat chhoh zel avangin music industry pawh digital lamah a kal na tawh zawk a, hei vang hian physical music revenue pawh a tlahniam zel a ni.

Kum 2010 aṭangin music streaming sum lak luh hi kum tin a pung chho zel tawh a, kum 2023 chhunga an sum hmuh tur hi USD tld 25.84 ni tura chhut a ni a, kum 2027-ah USD tld 33.97 a tling thei dawn niin an tarlang bawk. Music streaming app sum lak luh zinga a zahve dawn hi US aṭanga hmuh a ni.

Online music streaming platform - Spotify, Apple Music, YouTube Premium leh Tindle-te an thrang chak a, smart device kan hman nasat chu music streaming service lamin an lo hlawkpui ani. Podcast genre pawh millenial zingah a lar avangin a market lamah pawh hma an sawn phah hle.

Music streaming platform zingah Spotify chu khawvel huapa lar ber niin, user hi mtd 350 chuang an awm a, subscriber mtd 150 a nei bawk. YouTube chu user ngah ber niin tld 2 vel an awm a, mahse, paid subscriber ngah lamah Spotify leh Apple-te a tluk lo thung. YouTuber hi artist lar tharte'n inphochhuahna atana an hman lar ber niin, Google dawtah khawvela website tlawhtu tam ber a ni.

Digial music lama hma hruaitu ni ṭhin, Apple Music chuan user ngah lamah Spotify a pha tawh lo bawk. Amazon Music chuan Amazon Prime hmangin userbase a siam ṭha zel a, user mtd 55 vel an nei. China ramah chuan Tencent leh Netease-te chu platform lar ber an ni thung.