Chukchurikurh tlangzarh a ni

Zotlang Branch YMA zaipawl hla thar, 'Chukchurikurh' tih chu September 22, (Zirtawpni) zan khan Royale Lalawi Hotel, Khatlaah C. Rualhlupuia, President, Aizawl West Joint YMA chuan a tlangzarh.

He hla hi M.S. Dawngliana (L) phuah niin, sound track hi Kima Chhangte siam a ni a, hla record nan Maskie Records hman a ni. Hla lunglenthlak leh ngaihthlak manhla tak niin, tleirawl leh rual u deuh zawk tan pawha beng fah tui thei khawpa hla ṭha a ni.