'Game of Thrones' author-in ChatGPT creator a khing

'Game of Thrones' author George RR Martin leh best-selling fiction writer dang 16-te chuan ChatGPT creator, OpenAI an khing a, tech start-up chu an copyrights palzutsakah an puh.

Writer pawl, Authors Guild leh novelist eng emaw zat chuan California-based company hi an ChatGPT language model train-na atan an phalna loa an lehkhabute hmansakah an puh a ni. New York federal court-ah an khinna hi theh lutin, rurkukna lian tak a ni, an ti. Copyright lehkhabute language model siamna tana hman khap an phut bawk.

OpenAI hian nikuma ChatGPT a kalpui aṭangin sawisel a tawk fo tawh a, computer engineer-te pawh a main investor, Microsoft leh GitHub platform lakah complaint an lo theh lut tawh. Kumin January tla khan artist-te chuan image-generating AI model - DreamUP, Midjourney leh Stable Diffusion-te an lo khing tawh bawk a ni. Hetih lai hian OpenAI leh defendant dangte chuan internet aṭanga training data an hmante chu US copyright law hnuaiah phal a ni tih an sawi ve thung.