Sophie Turner-in a fate England-a haw phalsak turin ngen

British actress, Sophie Turner chuan tunhnaia a ṭhen, a pasal Joe Jonas chu khingin, an fate pahnih chu England-ah haw phalsak turin a ngen.

Kum 27 mi, Sophie Turner leh kum 34 mi, Joe Jonas-te hi kum li an inneih hnuah tun thla tir lam khan a inṭhen a ni. Fanu pahnih an nei a, kum 2020-a piang Willa leh a nau, nikuma piangte an ni.

Turner-in petition a theh luhah, an nupa hian England chu 'permanent home' atan an lo thlang tawh tih sawiin, August thla khan an fate pahnih chu a pain tour a neih mek avangin US-ah an awm rih an remti a, hei chu 'temporary' mai a nih thu a sawi bawk. Mahse an inṭhen hnuah Jonas hian a fate passport hi pe kir duh loin, UK lama an haw a phalsak lo niin an puh. Turner hi New York-ah a fate bulah a awm mek a ni.