Tetea J leh Sentei Kum riat hnua an duet leh hmasak ber

J&J vanglai khan an duet hla ngaihnawm, mawi leh nalh tak tak kan hre ṭhin. Kum riat chhung zet Tetea J leh Sentei te duet kan hriat tawh loh hnuah kan hmu leh thei ta.

Mizoram pawna zaia ei zawnga an chhuah bo vang vang hnuah nikum aṭang khan Mizoramah rimawi hmangin th‚wm thar an rawn nei. Sentei tia kan hriat, J. Lalremruati chuan 'Inhrilh dun ang' tih hla hmangin Ṭhazualah hmun a rawn chang sang a, ropuina lukhum hial a rawn khum thei. Chumi th‚wm a reh hmain a nuṭa, Tetea J chuan 'Chawlhni tlai lÍn' hmangin hmun ropui a rawn luah ve leh thung.

Single music video hit tak an neih ve ve hnuah Tetea J leh Sentei te chuan duet-in music video an rawn tichhuak leh a, Inrinni zan aṭang khan TV-ah an dah chhuak. He an duet-na hla hi 'Ka hmangaih ber che' tih a ni a, a phuahtu hi Tetea J hi a ni. 'Inhrilh dun ang' tih hla, a thluk tunlai tak mai, ṭhalaite duh chi a rawn tihchhuah aṭangin hla phuaha a neu lohzia a lang. 'Chawlhni tlai lÍn' kha, a ṭawngkam a tunlai a, a thl˚k a tunlai bawk. Tuna an video thar 'Ka hmangaih ber che' tih hla pawh tunlai ṭhalai duhzawng tur chi tak a ni.

'Ka hmangaih ber che' music video hi J. Zorinpuii'n a direct a, cameraman hi Zoa a ni. Three Brothers-a an record a ni a, a video hrim hrim hi tunlai mil thei ang ber tura siam a ni a, anime te nena cheibawl a ni hian en a tinuam a, anime ngaina tan chuan a tihmuhnawm lehzual hle ang. He an duet hla thar hmang hian Zo rimawiah J&J hian hnu hma lian thar ṭha tak an hnutchhiah leh ngei a rinawm.