Lawmi Khiangte Ṭhazualah a zawnin pakhatnaah

26th January, 2016

Hontrade International Ṭhazual Lengzem 10-ah Lawmi Khiangte chu kumina a zawna pakhatna vawi hnih hauh thei hmasa ber a ni. Lawmi Khiangte hian 'Kan hlimlai' tih hla hmangin pakhatna a rawn hauh leh.

Lawmi Khiangte hla sak 'Kan hlimlai' tih hi Joseph Zaihming≠thanga phuah leh a lo sak lar tawh kha a ni a, Lawmi Khiangte hian kha hla bawk kha a rawn hlawhtlinpui a ni. Kumina Ṭhazual lengzema pakhatna hauh hmasa ber a nih mai bakah, pakhatna a zawna vawi hnih hauh thei hmasa ber a ni.

Joseph-a hian a lar tirh lam khan 'Kan hlimlai' hla hi a rawn hlawhtlinpui hle a, naupang thleng≠a an sakpui theih hla kha a ni. Nikum khan he hla hmang hian Lawmi Khiangte hian music video a rawn siam a, hlawhtlinna a rawn chang chho mek zel.

Remkimi Cherput chu 'Zoawi lelte a fam' tih hla hmang khan pathumna aṭangin pahnihnaah a rawn chho a, Mathlenga 'Mizo Thawnthu' chu pathumnaah a rawn nek thla. Remkimi Cherput aw hi mi tam takin kan ngaihzawn em em kha a ni a, a hla sakin a zir a, amah a zaithiam a, pahnihnaah a rawn invawrh chho a ni. Mathlenga hla 'Mizo Thawnthu' nalh leh mawi danglam tak hi chart-ah hian a lang rei pawl a ni tawh ngei ang. Mizo thawnthu hrang hrang hmanga hla nalh danglam tak a nihna hian a tihlu hle a, amah a zaithiam a, a music arrange a ṭha hle bawk.

Pangana aṭangin Mampuii Thlauthang chu palinaah a rawn chho a, F. Zomuanpuia chu parukna aṭangin panganaah a chho bawk. Manuna hla 'A saw tlang' tih hla chu top 10 aṭangin a chhuak a, Samuel leh Sangkimi Khiangte te music video siam thar chu top 10-ah a rawn lang nghal zawk mai. He music video 'Inṭhen lawng' tih hla hi kumina an siam a ni a, Samuel Chhangte hi pakhatna pawh lo hauh fo tawh a ni a, chutiang bawkin Sangkimi Khiangte pawh pakhatna lo hauh tawh ṭhin a ni.

Hontrade InternAtional

Ṭhazual Lengzem

1. Lawmi Khiangte -

Kan hlim lai

2. Remkimi Cherput -

Zoawi lelte a fam ta

3. Mathlenga -

Mizo thawnthu

4. Mampuii Thlauthang -

A pawi ngei e

5. F. Zomuanpuia -

Don't let me down

6. C. Sanga -

Lendun a rem lawm ni?

7. Ananda -

Zo lanu leng

8. Samuel Chhangte & Sangkimi Khiangte -

In ṭhen lawng

9. Manuna -

A riang tawna'n

10. Abby Chongthu -

Na i ti lo'ng maw?