Squid Games reality show trailer tichhuak

2021 hit South Korean drama, 'Squid Games' behchhana reality television game show, 'Squid Game : The Challenge' trailer chu tihchhuah a ni. He show hi November 22 hian Netflix-ah pek chhuah a ni ang.

Official 'Squid Game' social media chuan trailer an tihchhuah rual hian, reality show-ah hian mi 456- an inel dawn a, lawmman hi USD mtd 4.56 a ni dawn tih a tarlang.

He show hi series 10 thleng a awm dawn a, contestant 456-te hi course hrang hrangah intihsiakin, a tawpa dingchangin lawmman hi a dawng dawn a ni. Reality Show siam tawha lawmman tamna ber tur nia sawi a ni.

Mega-hit Korean drama, 'Squid Game' siamtute hian second season an siam tur thu an sawi hnuah, reality series buatsaih a ni dawn tih hi puan zui a ni bawk. Reality show-a intihsiakna an neih turte hi film-a an lo neih tawhte ang bakah, a thar pawh siam belh a ni ang.

'Squid Game' kha Netflix-a series lar ber niin, kum 2021 September 15-ah tihchhuah a ni a, tihchhuah a nih aṭanga ni 28 chhungin view hour tld 1.65 a nei hman a ni. Award pawh eng emaw zat a dawng bawk. Squid Games Season 2 hi tihchhuah hun tur sawi lan a ni lo a, mahse, kumin kum tawp emaw, nakkum kum tir lamah emawa chhuak hman tura rin a ni.