Comedian Search 2023 pakhatna Vanmalsawma

LHTE LPS Comedian Search 2023 chu Zirtawpni zan khan zawh fel a ni ta a, fiamthu thiam berah Vanmalsawma, Tuikual North thlan a ni.

September 22 zana Grand Finale-ah hian Top 5-te inel lehin, an zing aṭang hian pakhatna aṭanga pathumna thlan chhuah an ni. Pakhatna hi Vanmalsawma, Tuikual North niin pahnihnaah Zohmangaiha, Champhai Ruantlang/Edenthar leh pathumnah Lalchhanhima, Sesawng/Ṭhuampui thlan an ni.

Lawmman pakhatna dawngtu hian Rs 1,00,000 bakah thilpek hrang hrang a dawng a, pahnihnain Rs 50,000 leh thilpek, pathumnain Rs 30,000 leh thilpek a dawng.