Super Bowl Halftime Show 2024 headline-ah Usher

NFL, Apple Music leh Roc Nation chuan "Love in This Club" R&B star, Usher chu Super Bowl Halftime Show 2024-a headline tur a ni dawn tih official-in an puang.

Kum 44 mi, Usher hian a hmain Super Bowl show-a tel tura sawmna lo hnar chu thil atthlak tak a nih ang tiin, a tan hun ṭha a la thleng ngei ang tiin a lo sawi tawh a ni. Super Bowl-a artist perform-te hi NFL hian lawmman a pe hran lo a, mahse, an zinna leh an show buaipuina tur senso erawh a tumsak thung. Mahse he show-a perform-te hian an album sale lamah erawh an hlawkpui thei hle thung.

Usher hi Super Bowl-a a perform ṭum hnihna tur a ni a, kum 2011 khan Black Eyed Peas perform ṭumin guest angin a la inlan tawh a ni.