Doja Cat-in a hla tharah Kardashian chhungkua a kap

Doja Cat chuan a hla tharah cosmetic surgery ti nasaa puh, reality TV star, Kardashian chhungkua chu kapin, 'plastic' tiin a sawi.

Kum 27 mi femcee hian Zirtawpni liam ta khan a hla thar, 'Wet Vagina' a tichhuak a ni. Kardashian fan-te chuan an sawisel zui nasa a, Doja Cat ngei pawh hian a hmain breast surgery leh liposuction a tih thu a sawi avangin amah pawh chu 'plastic' a ni ve tho tiin reality TV star-te hi an lo chhan.

Kardashian chhung-kuate hian cosmetic surgery tia puhna hi pha viau ṭhin mah se, a hnuah an lo ti ngei tih erawh an sawi lang leh tho. Kylie Jenner chuan a fanu, Storm-i a neih hmain breast implant a tih thu leh, kum 17 mi a nihin lip filler a tih thu a sawi. Kourtney pawhin kum 22 mi a nihin boob job a lo ti tawh a, Kim Kardhasian pawhin botox a tih thu pawh a puang a ni. Khloe chuan 2021 khan nose job a tih thu a sawi chhuak a ni.