WGA-in nawrh titawp dawn

Writers Guild of America (WGA) chuan Alliance of Motion Picture and Television Producers (AMPTP) nena inremna an siamte enchhin phawt remtiin, an nawrh huaihawt mek chu tihtawp an tum.

WGA hi ni 146 an nuar tawh a, inremna siam tumin AMPTP nen hian ṭum eng emaw zat an inbiak hnuah Pathianni zan khan member-te hnenah tentative agreement hi an siam tih an hrilh. An deal siam hi negotiating committee chuan vote lain, hemi hnuah WGA West board leh WGA East council-te'n an pawm ve leh a ngai dawn a, naktukah hian an tihfel theih beisei a ni. An pawm tlan theih chuan nawrh hi an titawp tawh dawn a ni.