Blackpink Jennie leh Jisoo-te'n agency din dawn lo

South Korean music label, YG Entertainment chuan Blackpink member, Jennie leh Jisoo-te'n anmahni pualin agency an din dawn nia report awm chu thu dik lo a nih thu a sawi a, girl group nen an contract siam thar leh chungchang pawh sawiho mek a la ni, a ti.

Thawhṭanni khan Korea media outlet, News1 chuan Jennie leh Jisoo-te hian an activity buaipuitu tur, one-person agency din ve ve an tum niin a tarlang a ni. Mahse report a chhuah hnu lawkah YG hian thu dik lo a nih thu a rawn sawi ve nghal. Heih lai hian tun thla tir lam khan report ṭhenkhat chuan Blackpink member zingah Rose chauhin YG Entertainment nena contract chu a pawtsei dawn a, midangte chuan thawhpui tur entertainment company dang an be mek niin an lo tarlang tawh bawk.