Oscar aiah Pope Francis Leonardo-a ngaihven zawk thil

The Revenant film avangin Oscar-ah nominate a ni a, mahse Leonardo Dicaprio hian a rilru luahtu leh a ngaihven zawk chu Oscar 2016 ni loin, Pope Francis zawk a ni tih a sawi.

Ningani khan Leonardo hi Vatican-ah awmin, Pope Francis nen hian an inkawm a, thil tam tak an sawi a, an sawi ber chu environment chungchang a ni. Leonardo hian environment humhalh kawngah hma a la nasa hle a, dollar maktduai tawp tawpin sum pawh a thawh ṭhin.

Pope leh actor hi Pope studio-ah an inhmu a, hetah hian Leonardo hian a hminga fouandation a din, Leonardo Dicaprio Foundation aṭangin pawisa ṭhahnem tak Pope hnenah hian a pe a, he pawisa hi Pope-in a ngaih pawimawhte
ṭanpuina tur a ni.

Leonardo leh Pope hi Italian-in an inbia a, Pope a hmuh ve leh hian a kut lain, Pope zungbunah hian a fawp a ni. Leonardo a lawm hle a, "Your Holiness, nangmah nena inbiakna hun ṭha min pek avangin ka lawm em em," tiin bul a ṭan a, hemi hnu hian environmental issue an sawi dun.

An sawi lansarh tak mai chu sik leh sa inthlak chak lutuk hi a ni. Climate change bakah hian environmental issue pawimawh tak tak dang an sawi dun. Pope hian Leonardo hnenah hian Laudato Si lehkhabu leh, 'The Joy of the Gospel' lehkhabu te a lo pe a, Leonardo hian Pope hnenah hian kum zabi 15-na laia Dutch lemziak thiam, Hieronymus Bosch-a lemziak a pe tel bawk. Leonardo hi a pa, George Dicaprio leh a foundation chairman, Milutin Gatsby ten an
ṭawiawm a ni.