Grammy performer tur

Grammy Awards-a zai turte hming puan chhuah zel a ni a, an puan chhuah thar chu Carrie Underwood, Sam Smith, Ellie Goulding te an ni. Carrie Underwood hi Sam Hunt nena zai dun tur an ni dawn a, amah Underwood pawh hian an zai dawn tih a sawi chiang tawh. Underwood hi tunah hian Storyteller Tour a nei mek. Ellie Goulding hi R&B singer, Andra Day nen an zai dun ang. Anni bakah hian Tori Kelly chu zai tur zinga mi a ni a, James Bay nen an zai dun dawn a ni mai thei. Grammy 2016 hi Los Angeles-a Staples Centre-ah February 15 hian sem a ni ang a, LL Cool J chuan a host ang. Zai tur zingah hian a hmaa an lo puan chhuah tawh - Adele, Kendrick Lamar, The Weeknd, Justin Bieber leh Pitbull te a chiang tawh.