Blackberry android phone

Thawhlehni khan Blackberry chuan Android hmang an phone hmasa ber, Priv chu India-ah an tichhuak ṭan ta. He phone hi Rs. 62,990 man a ni. Tun Inrinni aṭang hian Amazon-ah zawrh chhuah ṭan a ni ang.

Priv hi October thla aṭang khan pre-order theihin an dah chhuak ṭan a, US leh Canada-ah chuan November thla khan an zuar chhuak tawh a ni. Lollipop a hmang a, a hmai hi inchi 5.4-a hlai niin, Amoled display a ni a, power a heh lo viau ang. A display a ṭha a, a pixel density pawh 540 ppi a ni a, pixel ratio hi 1440 x 2560 a ni. Phone dangte nena a danglamna lian tak chu kutkawr bun chung pawhin a khawih kual vel theih dawn.

A thluak lamah hian Qualcomm Snapdragon 808 hexa core a hmang a, 1.8 GHZ dual core Cortex-A57 leh 1.44 GHz quad-core Cortex A53 te a ni. RAM hi 3GB a ni a, a graphic processing unit hi Adreno 418 a ni. In-built storage hi 32GB a ni a, micro SD a hman theih a, 2TB thleng a support. A hnunglam camera hi 18 MP a ni a, a hma lam hi 2MP chauh a ni thung a, mahse HD video pawh a support tho.