Kanye-a'n album tur hming a thlak

Kanye West chuan a album tihchhuah tur hmingah 'Swish' a vuah a, mahse a thlak leh tawh. A album thar tur hming hi 'Waves' tiin a vuah leh ta zawk.

Thawhlehni zan khan Kanye West chuan a album hming a thlak thu hi Twitter kaltlangin a puang chhuak a, Thawhṭanni khan Twitter kaltlang tho hian a album-a hla awm turte a tar chhuak tawh bawk.

Kum 2013-a album a tihchhuah 'Yeezus' dawta a album hmasa leh ber tur hi a tirah chuan 'So Help Me God' tia vuah a tum thu a sawi zet a, a hnuah 'Swish' tiin a thlak leh a, tuna a hming a vuah thar 'Waves' hi a pu tlang tawh turah ngai ang. February 11 khian zawrh chhuah ṭan a tum.

Kanye West hian a album-a hla awm tur hi lehkhaah a kutziak hawrrawp chhe deuh hmangin a ziak a, chu chu a thla lain Twitter-ah hian a tar chhuak a ni. Hla awm tur zingah hian a hmaa a tihchhuah tawh, Kandrick Lamar nena an sak dun 'No More Parties in LA' tih te, Ty Dolla $ign nena an sak 'Real Friends' te, Sia Furler leh Vic Mensa nena an sak 'Wolves' te a awm dawn.