Adele vanga a tihchhuah ngam lawk loh Rihanna album tunkarah
Rihanna chuan tunkar hian a album thar 'Anti' chu a tichhuak dawn nia tarlan a ni. Rihanna studio album pariatna tur hi a tihchhuah hun tur an sawn an sawn a, an sawn hnuhnun berah tunkara tichhuak tur angin an tarlang.
Nikum khan Rihanna hian Samsung kaihhnawih website pakhat, AntiDiary.com-ah app pakhat a dah chhuak a, chu app aṭang chuan a promotional video pasarih lai en theihin a dah chhuak tawh a ni. Nikum November thlaa tihchhuah tum kha a ni a, mahse Adele album Hello a chhuah avangin a tichhuak leh lo niin an sawi.
Rihanna hian a album siamna leh tihchhuah a, tour a neih zuina turin Samsung chuan a sponsor a, a sponsor-na zat hi USD mtd 25 zet a ni. Kumin February thla
aṭang hian tour nei turin a inbuatsaih mek a, khawvel ram hrang hrang tlawh a tum.