Billboard single chart-ah Bieber a la ropui zel

Billboard album chart-ah a hmaah Adele te Panic At The Disco te an awm a, mahse single chart lam, Billboard Hot 100-ah chuan Justin Bieber a ropui ngaiin a la ropui reng.

Billboard Hot 100-ah Justin Bieber hian pakhatna leh pa­hnihna a la hauh thei a, a hla 'Sorry' chu a zawnin pakhatnaah vawi thum a awm ta. Chuan a hla dang 'Love Yourself' chu pahnihnaah a awm bawk. Billboard Hot 100-ah hian pakhatna leh pahnihna hauh thei 17-na chiah a ni a, hetiang dinhmuna ding thei hnuhnung ber chu The Weeknd kha niin, nikum September thla khan Hot 100-ah hian pakhatna leh pahnihna a lo hauh tawh a ni.

Adele hla 'Hello' chu pathumnaah a awm a, Twenty One Pilots hla 'Stressed Out' chu palinaah awmin, Alessia Cara hla 'Here' chu pangana a ni.