Flint-a tui in tur nei lote hnenah tui

Michigan state-a, Flint khuaa an tui tlan berah lead (suan) hmuh a nih avangin mihring tana in chi ziazang a ni lo a, hei vang hian he khuaa mite hian tui thianghlim in tur an nei lo. Milarte an che chhuak a, tui in tur an pe hlawm.

Mark Wahlberg leh P. Diddy te chuan Flint khaw mipuite tui in tur tui ˚m maktaduai khat zet an thawh. Wahlberg leh Diddy te hian AQUAhydrate tih, tui thianghlim a ˚ma siam chhuaktu an nei a, he company kaltlang hian tui in tur ˚m maktaduai khat zet an thawh a ni.

A hmain Meek Mill leh Big Sean te chuan tui in tur an lo pe ṭeuh tawh a, Eminem leh Wiz Khalifa te pawhin tui thianghlim leisakna tur sum ṭhahnem tak an thawh bawk. Hman ni deuh khan zaithiam hranghlui Cher chuan tui ṭhahnem tak a lo thawh tawh.

Flint khua hian an khaw hming put chhan Flit lui aṭangin tui an la a, he khuain sum a neih tawk loh avangin kum 2014 khan pipe enkawl ṭhat tawh loh hmangin tui an la a ni. A hnu lawkah khaw mipuiten an tui dawn chuan rim eng emaw a nei tih an sawi a, naupagte an damloh tak avangin an han enchiang a, tuiah chuan suan a lo tel a, mihring tana tur hlauhawm tak a pai avangin ei tlak loh a ni ta a ni.