Puibawihi kan chán ta!

'Hmeichhia leh uitê' tih hla vanga Mizo mipuite'n kan hriat lâr zaithiam Puibawihi (H Ramthanzuali) w/o V Biaktluanga, Tachhip Bangla Veng chu nimin tlai dar 5:30 vel khan a thi.

Tachhip YMA hruaitute aṭanga thu dawn danin, Puibawihi hi internal bleeding vangin nimin khan State Referral Hospital, Falkawnah dah luh a ni a, a natna tuar chhuak zo loin nimin tlai khan min peih lohsan ta a ni. Nizan khan lumen a ni a, vawiinah vui a ni ang.

Puibawihi hi lengzem hla sa ṭhin a ni a, 'Hmeichhia leh uite' tih hla hi a lârpui hle a, hla dang eng emaw zat a sa bawk.