Billboard 200: Rod Wave-a'n No. 1 album pathum a nei ta

Billboard 200 album chart tharah Rod Waves album thar, 'Nostalgia' chu pakhatna a ni a, no. 1 ni thei album pathum a nei ta. Hei bakah Taylor Swift tih lohah artist zingah kum thum chhunga kum tina no. 1 album nei thei ziah awmchhun a ni bawk.

'Nostalgia' hian tlangzarh kar, kar liam ta chhungin equivalent album unit 137,000 a nei pha a, rapper/singer hian kar khata unit a neih tam ber ṭum ni. A album thara hla 18-te chuan on-demand official stream mtd 187.51 an nei bawk a, kumin chhunga R&B/hip-hop album zingah tlangzarh kara stream ngah pathumna a ni pha. Album sale hi 1,500 a nei bawk a ni.

Chart hmasa lama no. 1 hauhtu, Olivia Rodrigo 'Guts' chuan equivalent album ujnit 134,000 la neiin no. 2-a tla thla. Top 6-ah hian no. 1 dinhmun lo hauh tawhtu pali an awm. Zach Bryan-a self-titled album chu no. 3-ah a la ding nghet a, Morgan Wallen 'One Thing at a Time' pawh no. 4-ah awmin, SZA 'SOS' chuan no. 5-ah a rawn chho a, hetih lai hian Travis Scott 'Utopia' chu no. 6-ah a tla thung.

Top 10-ah hian Peso Pluma, Taylor Swift leh Barbie soundtrack bakah, Morgan Wallen album dang pakhat an la lang tel bawk a ni.