Chhiah awl ru-ah Shakira puh leh

'Waka Waka' singer Shakira chu a ṭum hnihna atan chhiah awl ru-ah puh a ni leh.

Spain-a prosecutor-te chuan Shakira hi 2018-a chhiah a pek tur, USD mtd 6.7 awlah an puh a ni. Hetih lai hian Shakira hi Gerard Pique nena an inkawp lai niin, an fapate pahnih nen Barcelona-ah an cheng a ni. Hei vang hian Shakira chu international revenue aṭangin chhiah a pek a ngai a, mahse, "El Dorado" world tour-a a sum hmuh aṭanga a chhiah pek tur chu chhiah lak hniamna ram dang behchhan company lamah a dah zawk niin a puh. July thla khan hemi chungchangah hian chhui chian a lo ni ṭan tawh a, mahse, tunhnaiah chuah puanzar a ni.

Shakira hi kum 2012-2014 inkar khan chhiah a pek tur USD mtd 14.5 pe loa puh niin thubuai siamsak a lo ni tawh bawk a, mahse, an puhna hi a pha thung.