Ather electric scooter showroom leh service centre hawng

MST Motors chuan India rama electric scooter fak hlawh, Ather chu Mizoramah la lutin, Thawhlehni zan khan Bawngkawn, Aizawlah showroom leh service centre an hawng. 450X scooter an pho chhuak nghal bawk.

Mizorama Ather dealership hawnnaah hian MST Motors chuan mi 10 hnenah 450X electric scooter hi an hralh chhuak nghal a ni.

450X hi pro-pack tel loin Rs. 1,53,207-in an hralh chhuak a, pro-pack tel a nih chuan Rs 1,69,205 man a ni ve thung. Vanlalmuana, Info Bikes chuan, "India rama electric scooter ka khalh chhin tawhah Ather aia Mizoram tana hman tlak, ṭha leh nalh bawk si a awm lo a, kawng chho hrang hranga kan khalh chhin tawhah zawh lohna a nei lo," a ti.

MST Motors hi October 2-a ṭan tur Tata SK 612 LPS Pro Fight sponsor-tu zingah an tel a, boxer ṭha ber hnenah Ather electric scooter an pe dawn a ni.