Zualbawihi'n Gospel hla tichhuak dawn

Mizo Idol aṭanga Zoram mipuiin kan hriat Zualbawihi chuan a piancham pualin fakna hla 'Halleluiah Amen' music video a tichhuak dawn.

Naktuk, October 6 hi Zualbawihi piancham a ni a, hemi pual hian music video thar hi a YouTube channel-ah a tichhuah a dawn a ni.

'Halleluiah Amen' hi Zualbawihi pa phuah a ni a, a thluk chu Lalrinawma (Marina) siam niin fakna hla official music video a tihchhuah hmasa ber tur a ni a, fakna hla a sak dang eng emaw zat chu YouTube lamah hmuh tur awm mah se tuna mi hi official music video a siam hmasak ber a ni thung.

Music leh recording chu Rka, 3 brothers recording studio kut chhuak a ni a, videography chu Ṭhatea kut chhuak a ni ve thung ang.