Star Wars vangin UK movie sum lakluh a pung
Star Wars: The Force Awakens hlawhtlinzia kan hria a, khawvel hmun hrang hranga box office-ah pakhatna a ni hlawm a, chu mai bakah US-ah ringawt pawh, movie tihchhuah tawh zinga US-a sum lalut hnem ber a ni. He film avang hian nikum chhunga UK-a movie-ten sum an thawh chhuah nasa takin a san phah.
Star Wars film pasarihna, The Force Awakens hi nikum December 15 khan UK-a tihchhuah ni chauh mah se, UK-a movie-ten sum an hmuh chhuah nasa takin a san phah. Nikum chhung khan UK-a movie chhuah ho zawng zawng aṭangin £tld 1.24 zet hmuh a ni a, kum 2014 aiin za zela 17 ngawtin sum lakluh hi a pung. A chhan ber chu The Force Awakens vang hi a ni.
The Force Awakens hian UK-ah ringawt £ mtd 114 a hmu tling a, UK-a movie hlawhtling ber a ni. Hei baka sum hmuh titamtu chu James Bond film Spectre kha a ni a, UK-a movie tihchhuah tawh zinga hlawhtling ber dawttu a ni.