David Bowie-a ro insem thu

Zaithiam David Bowie kha a thih lai vel khan khawvel huap zaithiam lar ni tawh lo mah se, a lo la hausa hle a, USD mtd 100 zet sem tur a lo la nei.

Zirtawpni khan Manhattan Court-ah David Bowie-a ro sem dan tur chungchang, a thuro≠chhiah phawrh lan a ni a, hetah hian a sum, USD mtd 50 zet chu tuna a nupui, Iman hnenah a pe a, pawisa bakah hian Manhattan-a Lafayette Street-a a in chu Iman hnenah hian a pe bawk.

A bak, a sum USD mtd 50-a a zatve, USD mtd 25 chu Iman nena an fa, kum 15 mi a fanu, Alexandria hnenah pein, Woodstock bula Little Tonshi Mountain-a a in a pe tel bawk. A nupui hmasa, Angela Barnett nena an fa, kum 44 mi, Duncan Jones hnenah USD mtd 25 a hnut≠chhiah bawk a ni.

Hengte bakah hian Bowie hian USD mtd 2 zet chu a ṭhian, a personal assistant ni bawk, Corinne Coco Schwab hnenah a hlan a, USD mtd 1 dang chu a nau awm≠tu ṭhin, Marion Skene a hnutchhiah a ni.