1D video hnuhnung ber tur?

'History' music video an ti≠chhuak a, hei hi One Direction music video hnuhnung ber tur a ni mai ang em? tih chu khaw≠thlang media-ho zawhna leh rin ruk deuh a ni.

Music hun eng emaw ti chhung chu One Direction hian an chawlhsan rih dawn tih sawiin, chumi hmaa an music video hnuhnung ber tur History chu an tichhuak a, ṭhenkhat chuan One Direction hi an inzawm tak tak an ring tawh chiah lo a, chuvang chuan tuna an video pawh a tawp tak tak tur a nih hmelin an hria a ni.

Kum 2010 khan X Factor-ah rawlthar ṭha tak tak, solo-in an rawn lang a, judge te chuan chung rawlthar rual chu pawl pakhata indin turin an hrilh a, an inzawm a, tichuan One Direction hi a lo piang ta a ni. Tuna an video-ah hian an history, an lo din ṭan chhoh aṭanga an khawvela hman hrang hrangte a thlir a ni ber mai. He music video hi an band studio album pangana, Made in the AM-a mi a ni.