'No Time to Die' an tikhawtlai leh ta nge nge

Hripui leng vangin film lian tam tak tlangzarh hun tihkhawtlai a ni tawh a, tihkhawtlai tawh pawh tihkhawtlai nawn leh eng emaw zat a awm a, chung zingah chuan film lam tuipuitute en chak James Bond film thar ber tur 'No Time to Die' pawh rinlawk ang ngeiin a tel leh ta nge nge.

'No Time to Die'  hi James Bond film 25-na tur a ni a, 007 lema Daniel Craig chan tawpna tur a ni bawk. Ruahmanna hmasa berah chuan March 31 khan tlangzarh an tum a, mahse hripuiin na takin khawvel a run avangin November 12-a tlangzarh a nih dawn thu film siamtu lam chuan an tarlang. Mahse chu pawh chu kan khawvel dinhmun enin an la kaltlangpui ngam lo niin a lang a, nakkum April-ah tlangzarh turin an sawn hla leh ta zawk a ni.

James Bond film siamtu lam chuan Zirtawpni liam taa thuchhuah an siamah chuan nakkum April 2-a tlangzarh a nih zawk dawn thu an puang.