Kari Jobe-in 'Let The Light In' live video tichhuak
Christian music singer leh worship leader ṭha tak ni bawk Kari Jobe chuan 'Let The Light In' live video-in a tichhuak a, YouTube lamah pawh en theihin a awm tawh a ni.
'Let The Light In' live video hi The Belonging Co, Nashville-a live-a record niin October 23-a Kari Jobe live album tihchhuah tur 'The Blessing'-ah pawh dah tel a ni dawn.
"He hla hi tun ang hun thim leh hrehawm tak kara thil thleng tur hrilhlawkna hla chak tak a ni. Pathian chu lal a ni a, a chakin a ropui em em a ni. Eng ropui tak chu amah chu a ni bawk. I thinlung tukverhte chu hawn a hun a, Pathian eng chu luhtir a hun tawh a ni," tiin Jobe chuan a sawi.
A album thar tur 'The Blessing' chungchang pawh sawiin hripui leng vangin chhimtu awm si loa live-a record chu chona lian tak a ni tih leh Pathian awmpuina avanga hmalam pan a nih thu a sawi bawk.
The Blessing-a hla awm turte hi Cody Carnes, Austin Davis, Jacob Sooter, Jonas Myrin, Elyssa Smith, Steffany Gretzinger, Chris Brown, Steven Furtick leh Passion member Kristian Stanfill leh Brett Younker-te nena an phuah a ni hlawm a, track 15 a awm dawn a ni.