Rock Hall of Fame induction ceremony live dawn

Rock and Roll Hall of Fame induction ceremony chu a ṭum khatna atana a hmuna tel ve kher lote pawhin live-in an thlir thei dawn.

Ningani khan Rock Hall chuan November 3-a Barclays Centre, Brooklyn-a 2023 ceremony neih tur chu Diseny+ ah live-a pek chhuah a ni dawn tih a puang.

Kum dangah chuan induction ceremony hi a hnu kar eng emaw zatah edited version-in HBO-ah tihchhuah a ni chauh ṭhin. Kuminah erawh chuan mipuite'n live-in an thlir thei dawn a, edition version chu nakkum January 1-ah tihchhuah a ni chauh ang.

Kumina Rock Hall of Fame-a lak luh turte hi Kate Bush, Sheryl Crow, Missy Elliot, George Michael, Willie Nelson, Rage Against the Machine, The Spinners, DJ Kool Herc, Link Wray, Cahka Khan, AI Kooper, Bernie Taupin, bakah Don Cornelius-te an ni. Induction ceremony-ah hian Sheryl Crow, Missy Elliot, Chaka Khan leh Willie Nelson-te an perform nghal bawk dawn a ni. Special guest Brandi Carlile, Dave Matthews, H.E.R., Chris Stapleton, St. Vincent leh New Edition-te an inlan bawk ang.