Grace-i'n Rorelna Ni a rawn tlangaupui

Mizo Idol 2013 Grace Lalchhanhimi chuan 'Rorelna Ni' tih hla a rawn tlangaupui a, he hla hmang hian Hontrade International Ṭhazual Faknaah pakhatna a rawn luah.

Grace-i hla 'Rorelna Ni' hi nikum November thlaa a peih fel, TV-a a dah chauh kha a ni a, Ṭhazual top 10-a vawi thum a lannaah pakhatnaah a rawn awm thei a ni. He hla hi Parpuii Chawngthu phuah a ni a, amah Grace-i'n duh taka a sak atana a thlan chat kha a ni. Blue Waves-ah a record a, video hi Tea kutchhuak a ni.

Mizo Idol aṭanga kan hriat hnuah Grace-i hian hla pathum a tichhuak tawh a, an vai hian pakhatna an hauh thei vek. A hla hmasa ber chu 'Ka thinlung chelhtu' kha a ni a, chumi hnuah 'Aw ropui ber' a rawn tichhuak leh. Grace-i hi Kolasib DIET-ah a training mek avangin a music video kan hmu tam vak lo a, a zir zawhah erawh chuan a tam thei ang ber siam a tum.

'Rorelna Ni' hi kumin aṭang chauhin Hontrade International Ṭhazual Fakna 10-ah hian kan hmu ṭan. January 4-a chart tihchhuahah khan palinaah bul a rawn ṭan a, January 18-a chart tihchhuah lehah khan pathumnaah kai chhoin, pahnihna zuan kanin pakhatnaah a awm ta a ni.

A hmasaa pakhatna hauhtu TBC Zaithanpuia chu pa≠hnihnaah a chhuk thla a, Feli Thangluah pawh pahnihna
aṭang≠in pathumnaah a chhuk. Emily Vanlaltluangi chu pangana aṭangin palinaah a rawn chho a, Zorina Sailo pawh panganaah a rawn kai thar bawk. Top 10 aṭangin Lalchhanhimi Palian a tawlh chhuak a, top 10-ah hian Baby Malsawmtluangi hla 'Ka hlau lovang' tih chu a rawn lang thar.

Hontrade International Ṭhazual Fakna

1 Grace Lalchhanhimi -

Rorelna ni

2 TBC Zaithanpuia -

Sul ni leh thla

3 Feli Thangluah -

Kei min thlang

4 Emily Vanlaltluangi -

Ka zin kawng

5 Zorina Sailo -

Ka hmangaih hma pawhin

6 Bethsy Lalrinsangi -

Hrilhfiah sen rual a ni lo

7 Temii Sailo -

Ka lungawina Isua

8 Esther Khiangte -

I tan ka awm

9 Vohbik -

Jordan lui

10 Baby Malsawmtluangi -

Ka hlau lovang