Pakhatnaah Adele a rawn kir

Hapta hnih chhung ngawt pahnihnaah a awm leh hnuin Adele album 25 chu pakhatnaah a rawn kir leh a, rin lawk ang deuhin Rihanna album hralh tam tak chu Nielsen chuan Billboard chart atan a chhiar tel loh avangin a lang pha lo.

Adele hian kar liam ta chhung khan a album 25 hi copy 116,000 zet a la hralh cheu a, heng zinga copy 97,000 chu album pangngai a ni. Heti hian Adele hi Billboards album chart-ah pakhatna dinhmunah a zawn loin ṭum riat lai a awm ta. Pahnihnaah Panic At The Disco album, 'Death of a Bachelor' chu panganaah a chhuk thla.

25 album hi chart-ah hian chawlhkar 10 zet a lang tawh a, tun thlengin US-ah hian copy maktaduai 7.94 zet a hralh tawh a ni.

Justin Bieber-a album hit 'Purpose' chu pahnihnaah a awm leh a, kar liam ta khan copy 87,000 zet an hralh leh a, he album hi November thlaa zawrh chhuah ṭan a ni a, pathumna aia hniamah a la awm lo hrim hrim.

Megadeth chu an album thar nen pathumnaah an rawn lang leh. Thrash metal band hlawhtling Megadeth hian Dystopia album an rawn tichhuak a, kar liam ta khan copy 49,000 lai an hralh. Kum 1992 hnua Megadeth album thleng sang ber a ni. Kum 1992 khan Megadeth hian 'Countdown to Extinction' album an tichhuak a, he album hi Billboard 200-ah pahnihna a thleng a ni. Kum 2007 hnua kar khat chhunga album an hralh hnem ber a ni bawk. Kum 2007 khan 'United Abomination' album kha kar khat chhungin copy 57,000 an hralh.

Billboard album chart

"25" - Adele (116,000)

"Purpose" - Justin Bieber (87,000)

"Dystopia" - Megadeth (49,000)

"Blurryface" - Twenty One Pilots (42,000)

"Death of a Bachelor" - Panic At the Disco (39,000)

"Blackstar" - David Bowie (35,000)

"Traveller" - Chris Stapleton (34,000)

"Beauty Behind the Madness" - The Weeknd (32,000)

The "2016 Grammy Nominees" Compilation Album - Various Artists (31,000)

"T R A P S O U L" - Bryson Tiller (31,000)