Kung Fu Panda a lian ber

Movie thar ṭha a chhuak nual a, Kung Fu Panda 3 a a ropui ber a, Fifty Shades of Grey a hlawhtlin tehreng nen, Fifty Shades of Black erawh chuan beisei a pha lo hle a, The Revenant leh Star Wars a ropui ngaiin a ropui reng thung.

Kar tawp chhunga US-a movie chhuak zingah Kung Fu Panda 3 chuan sum a lalut hnem ber a, kar tawp chhung khan USD mtd 41 a lalut. He movie hiJanuary 29-a release kha a ni a, China-ah chuan limited release-in, hmun bik deuhah January 22 aṭang khan chhuah a ni tawh thung. US aiin China-ah a ropui zawk a, China-ah hian opening weekend-ah USD mtd 58.3 zet a lalut thei. Movie-a box office bikah, US tih hian Canada ram pawh a huam ṭhin.

Kung Fu Panda 3-ah hian Grand master, Oogway leh Kai inbeihnain bul an ṭan. Kai hian 'Chi' a ru bo a, (Chi chu thilnung innghahna a ni), chumi nei let leh tura beihna a ni. He film-ah hian Master Shifu a chawl tawh a, a aiawh turin Po a thlang a, Po-a chuan kung fu zirtir chu thil hautak tak mai a ni tih a hmuchhuak a, chawlhsan a tum a, Master Shifu-a'n a fuihna te a lang. Hei bakah hian Po hian a pa tak tak a hmuchhuak tawh bawk.

The Revenant chu pahnihnaah a la awm a, a sum lakluh belh hi USD mtd 12.4 a la tling a, Star Wars: Force Awakens chu pathumnaah la awmin, a sum lakluh hi US mtd 10.8 lai a la ni.

Fifty Shades of Grey kha a hlawhtlin tehreng nen, Fifty Shades of Black erawh a che chhe tak meuh meuh a, top 5-ah pawh lang pha loin, pakuanaah a lang a, kar tawp chhung khan USD mtd 6.2 chauh a hmu chhuak thei. Fifty Shades of Black hi Fifty Shades of Grey parody, comedy film a ni.

Box office movie

"Kung Fu Panda 3" - $mtd41

"The Revenant" - $mtd12.4

"Star Wars: The Force Awakens" - $mtd10.8

"The Finest Hours" - $mtd10.3

"Ride Along 2" - $mtd8.3

"The Boy (2016)" - $mtd7.9

"Dirty Grandpa" - $mtd7.6

"The 5th Wave" - $mtd7

"Fifty Shades of Black" - $mtd6.2

"13 Hours: The Secret Soldiers of Benghazi" - $mtd6