Hot Christian Songs Chart:: Kar 20 chhung no. 1 ni thei 'Thank God I Do'

Christian pop artist Lauren Daigle hla, 'Thank God I Do' chu Billboard streaming, airplay leh sales-based Hot Christian Songs chart-ah kar 20 chhung no. 1 a ni.

June 2003-a Hot Christian Songs chart siam a nih aṭangin, Daigle 'Thank God I Do' hi kar 20 chhung no. 1 dinhmun hauh thei hla pasarih zingah a tel thei ta a ni. Daigle hi soloist zingah kar 20 chhung no. 1 ni thei hla pahnih nei thei hmasa ber a ni bawk. Kum 2018 khan a hla, 'You Say' chu record siampuiin kar 132 chhung chart chungah a lo awmpui tawh bawk.

'Thank God I Do' hian kar liam ta chhung khan official stream mtd 2.2 leh 1,000 download a nei. Christian Digital Song sales-ah kar 23 chhung a chung ber niin, Christian Streaming Song-ah kar 10 leh, Christian Airplay-ah kar khat chhung no. 1 a ni bawk a ni. He hla hi kumin March 8-ah a tihchhuah niin, a studio album palina, a hming chawia a siam 'Lauren Daigle' tiha mi a ni.

Daigle hian Grammy Awards pahnih, GMA Dove Awards pasarih, Billboard Music Awards panga, American Music Wards pahnih a lo dawng tawh bawk.