Turkish Film Festival neih tur ṭhulh

Turkey film festival upa ber, Antalya Golden Orange Film Festival ṭum 60-na neih tur chu political documentary chungchangah buaina an neih avangin ṭhulh a ni.

He festival hi October 7 -14 chhunga neih tura ruahman a ni. Festival hian kum 2016-a Turkey sorkar paihthlak tuma beih a nih hnua state of emergency puan a nih laia an hna chantu, physician leh zirtirtu pakhat chanchin tarlanna, 'Kanun Hukmu' (Decree) documentary chu a hnawl a, mahse, director tam takin an sawisel hnuah a thutlukna hi thlak lehin, jury member-te erawh an bang zui a ni. Hemi hnu hian Turkey sorkara Culture and Tourism Ministry chuan festival a thlawpna hi sutin, firfiaka chetna lam hawi thlawpah organiser-te a puh. Festival hian documentary hi a hnawl leh a, mahse, festival neihna tur Antalya khawpui chuan hei hi duh loin, festival neih tur hi an cancel zui ta a ni.

Kum 2016-a Turkey sorkar paihthlak tuma beihna a hlawhchham hnuah khan, eptu lam thawpa puh sorkar hnathawk mi nuai 1.25 chuang chu an hna aṭangin ban an ni.