UK-ah 24-hour Christmas radio station siam der

Khawthlang lam chuan Christmas lam an hawi ṭan der tawh. UK-ah Christmas hla chauh pek chhuahna tur, 24 hour Christmas radio station an siam der tawh.

Devon-a Radio Exe chuan Christmas radio show hi hawngin, Christmas nghah thlenna atan 'mas' hla hit hrang hrangte an play chho tawh dawn a ni. 'Mas' hla mawi tak tak ngaihthla duhte tan Global Player app download-in a ngaihthlak theih ang.

Ṭhenkhat chuan mas hla ngaihthlak nan a la hma deuh niin an lo sel a, mahse, mi tam zawk rilruah Christmas boruak a lian chho ṭan a ni ang, 'Mariah Carey 'All I Want for Christmas' chu chart lamah a rawn lang leh der tawh thung. 'Ber' thla tir, September 1 kha he hla hian Spotify-ah stream 316,000 a nei chho leh nghal der a ni. Kum 1994-a tihchhuah daih tawh ni mah se, kum tinin Christmas boruakah a rawn lar chho ziah a, he track bik aṭang Mariah Carey hian kum tin USD mtd 2.5 vel a hlawh pha ziah a ni.