Madhuri Dixit-i'n a hla hmasa ber tichhuak dawn

Madhuri Dixit chuan a single hmasa ber tur, 'Candle' tih chu vawiin hian a tichhuak dawn tih twitter-ah a ziak.

Rimawi ngaina tak chhungkua aṭanga seilian a nih thu Madhuri chuan sawiin, hei vang hian zai lama kala single tihchhuah hial pawh chu phurawm a ti hle.

Kar liam ta May 15 kha Madhuri birthday a ni a, kha mi ni khan a hla thar tur 'Candle' teaser chu a tichhuak a ni. A hla thar tur hi sap hla a nih hmel a, a nalh hmel viau bawk.

Bollywood actress lar tak ṭhin Madhuri hi kum 53 lai a ni tawh a, heti chung hian a nunah bung thar a la kai dawn chuah niin a lang a, a hla thar tur hi a lar leh lar loh chu thudang nise, lemchan lama sulhnu ropui tak tak a hnutchhiah hnuah zai lamah kal a la tum cheu hi a dangdai hle.

Forbes India Celebrity 100 list-ah ṭum sarih lai lang tawh Madhuri hian kum 2008 khan Padma Shri a lo dawng tawh bawk a, kum 1984 aṭang khan lemchan luhchilh 

ṭanin nikum pawh khan a channa  Total Dhamaal chu tlangzarh niin hei pawh hi a la hlawhtlinpui hle a ni.