Jung Kook single thara a hla thu fan-te'n an sawisel

BTS Jung Kook-a'n a single thar, 3D a tihchhuah chu YouTube lamah a hit nghal hle a, hemi rual hian a hla thu hman chuan a fan-te a tilawm lo a, BTS hming tihliauah an puh.

3D-ah hian Jung Kook hian Jack Harlow a thawhpui a, Jung Kook zai leh Jack Harlow rap chu inpawlh mawiin, a video pawh en a nuam. Mahse hei hian fan-te a tilungawi kim thei ta chuang lo.

BTS hian hla thu bawlhhlawh leh uchuak tak an hmang ngai lo a, hmeichhiate dah pawimawhin hei hi an band hlawhtlinna pawimawh tak nia sawi a ni bawk. Mahse Jung Kook-a hla tharah hian mipat hmeichhiatna lam hawi a rawn lang a, Harlow chuan a rap-naah a ruala hmeichhe pali kawp nuam a tih thute a rawn chham. Hei hian fan-te lung a ti awi lo a, 3D chu hit viau mah se, nakin zelah Jung Kook image thlengin a nghawng palh an hlauhthawnpui hle.