Aerosmith Farewell Tour neih hun tur sawn hla

American rock band, Aerosmith chuan Peace Out: The Farewell Tour an neih tur chu lead singer, Steven Tyler-a'n vocal injury a neih avangin kum thar lamah an sawn.

Farewell Tour an sawn thu hi social media-ah an sawi a, Tyler pawhin hrehawm a tih thu leh, an theih anga ranga an rawn kir tur thu a sawi. Tyler vocal injury chu a ṭha ber hmanga enkawl niin, a dam chho mek a, mahse, a hrawk lamah harsatna dang a la awm avangin inenkawl zui a la ngai rih a ni. Nakkum lama tour neih ṭan hun tur pawh an la ruat lawk thei rih lo.

Music legend zingah Aerosmith bakah Celine Dion leh Madonna-te chuan hriselna lam ṭhat tawk loh avangin kumina an tour date chu an lo sawn hla tawh bawk a ni.