Jimmy Choo brand ambassador thar Ananya Panday

International luxury brand, Jimmy Choo brand ambassador atan Bollywood actress Ananya Panday chu ruat a ni.

Kum 24 mi, Ananya hi Indian actor zingah Jimmy Choo brand represent thei naupang ber a ni a, 'Jimmy Choo chhungkuaa ka tel ve thei hi ka lawmin ka phur hle a ni," tiin an zinkawng zawh chhoh tur chu a nghakhlel tawh hle tih a sawi. Ananya channa, 'Kho Gaye Hum Kahan' chu release a ni hnai tawh a, hei bakah hian cyber thriller-ah a chang mek bawk. Hengte bakah hian web series-a a channa hmasa ber, 'Call Me Bae' chu Amazon Prime Video-ah pek a ni bawk ang.