Darbu Music App : September-a hralh tam ber The Leprosy Mission Choir soundtrack

Darbu Music App aṭanga September thla chhunga hla hralh chhuah tam ber chu The Leprosy Mission Choir music track a ni a, hla ngaihthlak nasat ber chu Aengi & Rosalyn 'Rinawm min tiam kha' a ni.

September thla chhunga hla hralh chhuah ṭha ber leh play nasat ber hi August thlaa mi nen an la danglam lo a, Top 5-a lang pawh a tam zawk chu a ngai an la ni.

The Leprosy Mission Choir-in zaipawl leh midang, an hla lo sa tute'n an hman ve theih tura music track an zawrh chhuah chu mi tam takin an ṭangkai pui hle. Soundtrack siam tura studio pan a, hun leh sum tam tak sen ngai loin awlsam takin Darbu kaltlang hian a soundtrack hi a lei theih a ni. September chhunga hla hralh chhuah tam zual panga zinga hian Kimkima, Joseph Zaihmingthanga leh Aengi & Rosalyn-te an la lang chhunzawm a, Cassettes an rawn lang thar ve bawk.

Aengi & Rosalyn-te bawkin ngaihthlak an hlawh leh a, anni bakah hla play hlawh zual zingah hian Yellow Muzik, Youngfella, K. Hminga leh Evenflow te hla an lang bawk a ni.